ഒരച്ഛന്റെ പരിഭവം

By

 ഒരച്ഛന്റെ പരിഭവം

 

ഞാനവർക്കച്ഛൻ മാത്രം , എന്നുമീ  വൈകുന്നേരം

മീനൊരു ചെറു പൊതി , അല്ലെങ്കിൽ പച്ചക്കറി

അത്താഴം വെക്കാനായിട്ടരിയും  മറ്റുള്ളതും

മൊത്തത്തിൽ തോളിൽ തൂക്കി വന്നെത്തും കൃശ  രൂപം  .

 

ഇക്കാഴ്ചക്കില്ലാ രസം  കുട്ടികൾ കുടിക്കുന്നോ -

രിക്കഞ്ഞിക്കുപ്പില്ലല്ലോ, വളരെയരോചകം.

വേണമൊരല്പം കൂടി എരിവും മസാലയും

ഓണമാണെല്ലാ നാളും എന്നെങ്കിലേറെ കൊള്ളാം.

 

ഞാനവർക്കച്ഛൻ മാത്രം, വേറെന്തു ഫലമുണ്ടീ

കൂനിയമനുഷ്യനാലെന്നവർക്കറിയില്ല.

ഓണമായിരിക്കട്ടെ വിഷുവും വന്നീടട്ടെ

ദീനമായിരുന്നാലും ഇല്ലെനിക്കൊഴിവൊന്നും

 

നിങ്ങളോ സന്ദർശകൻ , നിത്യേനയില്ലെങ്കിലും 

ഞങ്ങളെക്കാണാൻ വരും സ്നേഹത്തിൻ പെരുംകടൽ.

കുട്ടികളെന്നും തന്നെ ആശിപ്പതങ്കിൾ പേറും

പെട്ടിയിൽ വരും നല്ല മിട്ടായിപൊതിയല്ലേ?

 

നിങ്ങളെ ക്കാണും  നേരം എല്ലാതും  മറക്കുന്നു

പൊങ്ങുന്നൊരാഹ്ലാദത്തിൽ ഓടി വന്നടുക്കുന്നു.

 

എന്തിതിലതിശയം, നെയ്‌ച്ചോറിനകത്തുള്ള

മുന്തിരിയല്ലേ രസം, ചോറോട് ദയ മാത്രം .

 

എന്നുടൽ വിറയ്ക്കുന്നു  നിങ്ങളോടസൂയയാൽ

പിന്നെന്തു പ്രതീക്ഷിക്കാൻ ഞാനവർക്കച്ഛൻ മാത്രം

 

ബാബു പാലത്തിങ്ങൽ

 

Comments

Post a Comment

Popular posts from this blog

ഭാഗ്യാതിരേക

By
  ഭാഗ്യാതിരേക.   കുട്ടികളുടെ ഉത്തരക്കടലാസുകളും  നോട്ട് ബുക്കും ഒരു മാത്‍സ് പുസ്തകവും എടുത്തു ഞാനിറങ്ങി.  തെക്കേത്തൊടിയിൽ ചെന്ന് ഇടവഴിയിലേക്കിറങ്ങാറായപ്പോൾ മാവിൻ ചോട്ടിൽ ബഹളം. അപ്പോഴാണ് ശ്രദ്ധിച്ചത്, സമീറ വന്നിരിക്കുന്നു. സോമനും സുരേശനും കൂടാതെ രണ്ടു പറമ്പ് അപ്പുറത്തുള്ള ചന്ദ്രനും ഉണ്ട്. സോമൻ മാവിന്റെ മുകളിൽ സ്ഥാനം പിടിച്ചിരിക്കുന്നു. താഴെയുള്ളവരുടെ നിർദേശമനുസരിച് അവൻ മൂപ്പെത്തിയ മാങ്ങ പറിച്ചിടുകയാണ്. സമീറ ഒരു സൂപ്പർവൈസറെ പോലെ അരക്കു കൈ കെട്ടി കാര്യങ്ങൾ നിയന്ത്രിക്കുന്നു.   കോമാങ്ങയാണ്, മൂത്തു പൊട്ടിയാൽ പഴുത്ത മാങ്ങയെക്കാൾ രസമാണ് തിന്നാൻ. ഉപ്പു വേണമെന്നില്ല. എന്നെ കണ്ടു സമീറ ചിരിച്ചു. സന്തോഷം.   ഞാനോർത്തു. ആദ്യമൊക്കെ അവൾക്ക്  വലിയ ഗൗരവമായിരുന്നു.  പരിചയക്കുറവ് കൊണ്ടുള്ള ഇണക്കമില്ലായ്മ അല്ല എന്നെനിക്കറിയാം. പെട്ടെന്നിണങ്ങിയാൽ വില കുറഞ്ഞുപോകുമെന്നുള്ള ഒരു ഭീതി പെൺകുട്ടികൾക്ക് മാത്രമല്ല, ആൺകുട്ടികൾക്കും ഉണ്ട്.   ആ ഗൗരവം മുഖത്ത് നിന്ന് അലിഞ്ഞു തീരാൻ കുറച്ചു സമയമെടുത്തു. വേറെയും കരണമുണ്ടാകാം. എപ്പോൾ വേണമെങ്കിലും കളിക്ക് കൂടാനും ...
Read more

ചോയിക്കുട്ടി കഥകൾ - രണ്ട് : അനാരോഗ്യമത്സരം

By
  ചോയിക്കുട്ടി കഥകൾ - രണ്ട് : അനാരോഗ്യമത്സരം.   ചന്ദ്രന്റെ ത്രാസ് റിപ്പെയർ കടയും പെരുങ്കൊല്ലൻ ഷണ്മുഖന്റെ ഉലയും അടുത്തടുത്താണ്. ചെങ്കല്ല് പടുത്ത് ഓടിട്ട രണ്ടു മുറികൾ. നിരപ്പലക കിടത്തി വെച്ചുണ്ടാക്കിയ ഒരു ബെഞ്ച് ഉണ്ട് രണ്ടിനും നടുവിലായി.   ചന്ദ്രന്റെ കടയിൽ അളവ് തൂക്കം ബിസിനസ് എന്ന് ഒരു ബോർഡ് ഉണ്ട്. ചന്ദ്രന്റെ നിഘണ്ടു പ്രകാരം ഒരു പാട് കാര്യങ്ങൾക്ക്  അളവാണ് ഉപയോഗിക്കുക. ലോകം തന്നെ ചലിക്കുന്നത് അളവ് കൊണ്ടാണ്. അതില്ലാതെ വാണിജ്യമില്ല, വ്യവസായമില്ല, എന്തിന്, ജീവിതം തന്നെ ഇല്ല.    ഒരളവ്‌ എടുക്കാനുണ്ട് എന്ന് ചന്ദ്രൻ പറഞ്ഞാൽ അതിന്റെ അർത്ഥവ്യാപ്തി വളരെ വലുതാണ്. അത് ആരെയെങ്കിലും പരിചയപ്പെടലാകാം, വേറെ എന്തെങ്കിലും അന്വേഷണമാകാം , പെണ്ണുകാണലാകാം. എല്ലാം എന്തെങ്കിലും ഒക്കെ അളക്കലാണ്, സ്വഭാവം, ചുറ്റുപാടുകൾ, മറ്റു സാദ്ധ്യതകൾ.   തൂക്കം എടുക്കണ്ടേ  എന്ന് ഏതെങ്കിലും ഇൻക്വിസിറ്റിവ് പയ്യൻ ചോദിച്ചാൽ തൂക്കവും അളവിൽ പെട്ടതാണല്ലോ എന്ന് ഉത്തരം കിട്ടും.   ചെറു കച്ചവടക്കാർക്ക് അളവു തൂക്ക വകുപ്പിന്റെ ലൈസൻസ് കൊല്ലം തോറും പുതുക്കണമെങ്കിൽ ചന്ദ്രന്റെ സഹായം വ...
Read more

ജയം ഉറപ്പുള്ള കളികൾ

By
  ജയം ഉറപ്പുള്ള കളികൾ.   വിനോദശാസ്ത്രപ്രകാരം (ഗെയിം തിയറി) കളികൾ പല തരത്തിലുണ്ട്. ഏതെങ്കിലും കളിക്കാരന് പ്രത്യേക മേൽക്കൈ പ്രവചിക്കാനോ  ഒരുക്കാനോ പറ്റാത്ത കളികളെ ഫെയർ ഗെയിം (ന്യായ വിനോദം) എന്ന് സൂചിപ്പിക്കുന്നു. ചെസ്സ് ഉദാഹരണം.   കളി തുടങ്ങുവന് ഫലം നിയന്ത്രിക്കാൻ പറ്റുന്ന ഒരു പാട് കളികൾ ഉണ്ട്. അത്തരം ചിലതു പിന്നാലെ. ഇവിടെ ജയം ഉറപ്പുള്ള ഒരു കളിയുടെ ഓര്മ.   പിണ്ണാണത്ത് കാവിന്റെ മുന്നിലെ ഗ്രൗണ്ടിലായിരുന്നു സ്റ്റേജും ഇരിപ്പിടങ്ങളും. വാജ്‌പേയിയുടെ പ്രസംഗം ഉണ്ടായിരുന്നത് കൊണ്ട് ചുറ്റു  പ്രദേശങ്ങളിലെ ജനസംഘം പ്രവർത്തകരും  സ്വയം സേവകരും ഇതൊന്നും അല്ലാത്ത ജനങ്ങളുമായി വലിയ കൂട്ടം തന്നെ ഉണ്ടായിരുന്നു.   രാഷ്ട്രീയ പരിപാടിക്ക് ശേഷമുള്ള തിക്കോടിയന്റെ നാടകമായിരുന്നു എന്റെ ആകർഷണം. ഞാൻ വായിച്ച നാടകം. രാജമാർഗം. രംഗത്ത്  എങ്ങനെ ഉണ്ടാകുമെന്നറിയാനുള്ള ആഗ്രഹം.   ഞാൻ നേരത്തെ എത്തി. വാജ്‌പേയി സ്റ്റേജിൽ നിന്ന് സംസാരിക്കുന്നു. വെളുത്ത പയ്ജാമയും ജുബ്ബയും ധരിച്ച ഒരു നാല്പത്തഞ്ചുകാരൻ യുവനേതാവ്. അദ്ദേഹം നമസ്‍കാരം എന്ന് മലയാളത്തിൽ തുടങ്ങി ഹിന്ദിയിൽ പ...
Read more