അക്യു പങ്‌ചർ

 

 

അവനും അവളും ആ കുടുസ്സായ ലിഫ്റ്റിൽ കയറിയപ്പോൾ അതിനുള്ളിൽ ഒരു പെൺകുട്ടി ഉണ്ടായിരുന്നു. മെല്ലെ മെല്ലെ ഉള്ള സ്ഥലത്ത് അവൻ ആ കുട്ടിയുടെ അടുത്തേക്ക് നീങ്ങുന്നുണ്ടോ എന്ന് അവൾ സംശയിച്ചു. എന്നാലും ഒന്നും പറഞ്ഞില്ല.

 

പെട്ടെന്ന് ലിഫ്റ്റിലെ പെൺകുട്ടി തിരിഞ്ഞ് അവന്റെ മുഖത്ത്  ഒരടി:  നുള്ളുന്നോ റാസ്കൽ?

 

അപമാനം കൊണ്ട് അവന്റെ മുഖം നിറം മാറി. അവൻ എന്തെങ്കിലും പറയുന്നതിന് മുൻപ് ലിഫ്റ്റിന്റെ ഡോർ തുറന്നു, അവർ പുറത്തു കടന്നു. അവൻ പറഞ്ഞു: ഞാൻ നുള്ളിയില്ല.

അവൾ അവനെയും കൂട്ടി പുറത്തേക്കു നടന്നു.

 

അവൻ വീണ്ടും പറഞ്ഞു: നീ വിശ്വസിക്കണം, ഞാൻ നുള്ളിയില്ല.

 

പൊന്തി വന്ന നീരസം  അടക്കിക്കൊണ്ട് അവൾ  പറഞ്ഞു: മതിയാക്കു എനിക്കറിയാം നീ നുള്ളിയില്ല എന്ന്.