Babu Palathingal

  ചോയിക്കുട്ടി കഥകൾ - രണ്ട് : അനാരോഗ്യമത്സരം.   ചന്ദ്രന്റെ ത്രാസ് റിപ്പെയർ കടയും പെരുങ്കൊല്ലൻ ഷണ്മുഖന്റെ ഉലയും അടുത്തടുത്താണ്. ചെങ്കല്ല് പടുത്ത് ഓടിട്ട രണ്ടു മുറികൾ. നിരപ്പലക കിടത്തി വെച്ചുണ്ടാക്കിയ ഒരു ബെഞ്ച് ഉണ്ട് രണ്ടിനും നടുവിലായി.   ചന്ദ്രന്റെ കടയിൽ അളവ് തൂക്കം ബിസിനസ് എന്ന് ഒരു ബോർഡ് ഉണ്ട്. ചന്ദ്രന്റെ നിഘണ്ടു പ്രകാരം ഒരു പാട് കാര്യങ്ങൾക്ക്  അളവാണ് ഉപയോഗിക്കുക. ലോകം തന്നെ ചലിക്കുന്നത് അളവ് കൊണ്ടാണ്. അതില്ലാതെ വാണിജ്യമില്ല, വ്യവസായമില്ല, എന്തിന്, ജീവിതം തന്നെ ഇല്ല.    ഒരളവ്‌ എടുക്കാനുണ്ട് എന്ന് ചന്ദ്രൻ പറഞ്ഞാൽ അതിന്റെ അർത്ഥവ്യാപ്തി വളരെ വലുതാണ്. അത് ആരെയെങ്കിലും പരിചയപ്പെടലാകാം, വേറെ എന്തെങ്കിലും അന്വേഷണമാകാം , പെണ്ണുകാണലാകാം. എല്ലാം എന്തെങ്കിലും ഒക്കെ അളക്കലാണ്, സ്വഭാവം, ചുറ്റുപാടുകൾ, മറ്റു സാദ്ധ്യതകൾ.   തൂക്കം എടുക്കണ്ടേ  എന്ന് ഏതെങ്കിലും ഇൻക്വിസിറ്റിവ് പയ്യൻ ചോദിച്ചാൽ തൂക്കവും അളവിൽ പെട്ടതാണല്ലോ എന്ന് ഉത്തരം കിട്ടും.   ചെറു കച്ചവടക്കാർക്ക് അളവു തൂക്ക വകുപ്പിന്റെ ലൈസൻസ് കൊല്ലം തോറും പുതുക്കണമെങ്കിൽ ചന്ദ്രന്റെ സഹായം വ...

 ചോയിക്കുട്ടി  കഥകൾ  മഹാവിരുതനായിരുന്നു അയാൾ. കബളിപ്പിക്കാൻ ഒരു ഇരയെ കിട്ടിയാൽ അയാൾ വിടില്ല. ആ പ്രക്രിയയിൽ ഇരക്ക് മാനസികമായോ ശാരീരികമായോ വിഷമമോ നഷ്ടമോ ഉണ്ടായാൽ അയാൾക്കൊരു രസം, ഒരാനന്ദം.  നാട്ടിലെ ജന്മി കുടുംബങ്ങളൊന്നിൽ പണ്ട് ജീവിച്ചിരുന്ന ഒരു ചോയിക്കുട്ടിയുടെ കഥ അച്ഛൻ ഇടക്ക് പറയാറുണ്ടായിരുന്നു. സുഹൃത്തുക്കളുമായി സംസാരിക്കുമ്പോൾ, ചോയിക്കുടിച്ചൻ  ചെയ്തത് പോലെ എന്ന് അച്ഛൻ ഒരു ഉദാഹരണം എടുത്തിടും. ഉടനെ, അതെന്താണ് , അയാൾ എന്താണ് ചെയ്തത് എന്ന ചോദ്യം വരും. അതോടെ അവരുടെ നാവും കാതും  ചോയിക്കുട്ടി പുരാണത്തിൽ മുഴുകും. ചന്തയിൽ സീതിക്കയുടെ കട തുറക്കുന്നതിന് മുൻപ് ഒരു ചൂലെടുത്തു് മുറ്റം അടിച്ചു വാരിക്കൊണ്ടു നിന്ന  കഥ. മലപ്പുറത്തു നിന്ന് പോത്തുവണ്ടിയിൽ വെറ്റില വിൽക്കാൻ വരുന്നവരെ കടയുടമ ആണെന്ന് തെറ്റിദ്ധരിപ്പിച്ച് വെറ്റില കയ്യിലാക്കിയ കഥ.   പോത്ത്‌ വണ്ടിക്കാരൻ വൈകിട്ട് തിരിച്ചു പോകുമ്പോൾ  കടയുടമ വേറെ ആളാണെന്നും വെറ്റിലക്കാശ് പോയിക്കിട്ടി  എന്നും  മനസ്സിലാക്കുമ്പോൾ  ആ പാവത്തിന്റെ സങ്കടത്തിന്റെ കഥ. എല്ലാ തരികിടയും പൈസക്ക് വേണ്ടിയല്ല.  ത...

  ഭാഗ്യാതിരേക.   കുട്ടികളുടെ ഉത്തരക്കടലാസുകളും  നോട്ട് ബുക്കും ഒരു മാത്‍സ് പുസ്തകവും എടുത്തു ഞാനിറങ്ങി.  തെക്കേത്തൊടിയിൽ ചെന്ന് ഇടവഴിയിലേക്കിറങ്ങാറായപ്പോൾ മാവിൻ ചോട്ടിൽ ബഹളം. അപ്പോഴാണ് ശ്രദ്ധിച്ചത്, സമീറ വന്നിരിക്കുന്നു. സോമനും സുരേശനും കൂടാതെ രണ്ടു പറമ്പ് അപ്പുറത്തുള്ള ചന്ദ്രനും ഉണ്ട്. സോമൻ മാവിന്റെ മുകളിൽ സ്ഥാനം പിടിച്ചിരിക്കുന്നു. താഴെയുള്ളവരുടെ നിർദേശമനുസരിച് അവൻ മൂപ്പെത്തിയ മാങ്ങ പറിച്ചിടുകയാണ്. സമീറ ഒരു സൂപ്പർവൈസറെ പോലെ അരക്കു കൈ കെട്ടി കാര്യങ്ങൾ നിയന്ത്രിക്കുന്നു.   കോമാങ്ങയാണ്, മൂത്തു പൊട്ടിയാൽ പഴുത്ത മാങ്ങയെക്കാൾ രസമാണ് തിന്നാൻ. ഉപ്പു വേണമെന്നില്ല. എന്നെ കണ്ടു സമീറ ചിരിച്ചു. സന്തോഷം.   ഞാനോർത്തു. ആദ്യമൊക്കെ അവൾക്ക്  വലിയ ഗൗരവമായിരുന്നു.  പരിചയക്കുറവ് കൊണ്ടുള്ള ഇണക്കമില്ലായ്മ അല്ല എന്നെനിക്കറിയാം. പെട്ടെന്നിണങ്ങിയാൽ വില കുറഞ്ഞുപോകുമെന്നുള്ള ഒരു ഭീതി പെൺകുട്ടികൾക്ക് മാത്രമല്ല, ആൺകുട്ടികൾക്കും ഉണ്ട്.   ആ ഗൗരവം മുഖത്ത് നിന്ന് അലിഞ്ഞു തീരാൻ കുറച്ചു സമയമെടുത്തു. വേറെയും കരണമുണ്ടാകാം. എപ്പോൾ വേണമെങ്കിലും കളിക്ക് കൂടാനും ...

  ഒരച്ഛന്റെ പരിഭവം   ഞാനവർക്കച്ഛൻ മാത്രം , എന്നുമീ  വൈകുന്നേരം മീനൊരു ചെറു പൊതി , അല്ലെങ്കിൽ പച്ചക്കറി അത്താഴം വെക്കാനായിട്ടരിയും  മറ്റുള്ളതും മൊത്തത്തിൽ തോളിൽ തൂക്കി വന്നെത്തും കൃശ  രൂപം  .   ഇക്കാഴ്ചക്കില്ലാ രസം  കുട്ടികൾ കുടിക്കുന്നോ - രിക്കഞ്ഞിക്കുപ്പില്ലല്ലോ, വളരെയരോചകം. വേണമൊരല്പം കൂടി എരിവും മസാലയും ഓണമാണെല്ലാ നാളും എന്നെങ്കിലേറെ കൊള്ളാം.   ഞാനവർക്കച്ഛൻ മാത്രം, വേറെന്തു ഫലമുണ്ടീ കൂനിയമനുഷ്യനാലെന്നവർക്കറിയില്ല. ഓണമായിരിക്കട്ടെ വിഷുവും വന്നീടട്ടെ ദീനമായിരുന്നാലും ഇല്ലെനിക്കൊഴിവൊന്നും   നിങ്ങളോ സന്ദർശകൻ , നിത്യേനയില്ലെങ്കിലും  ഞങ്ങളെക്കാണാൻ വരും സ്നേഹത്തിൻ പെരുംകടൽ. കുട്ടികളെന്നും തന്നെ ആശിപ്പതങ്കിൾ പേറും പെട്ടിയിൽ വരും നല്ല മിട്ടായിപൊതിയല്ലേ?   നിങ്ങളെ ക്കാണും  നേരം എല്ലാതും  മറക്കുന്നു പൊങ്ങുന്നൊരാഹ്ലാദത്തിൽ ഓടി വന്നടുക്കുന്നു.   എന്തിതിലതിശയം, നെയ്‌ച്ചോറിനകത്തുള്ള മുന്തിരിയല്ലേ രസം, ചോറോട് ദയ മാത്രം .   എന്നുടൽ വിറയ്ക്കുന്നു  നിങ്ങളോടസൂയയാൽ ...

  ബിസിനസ് മാനേജ് ‌ മെന്റ് പാഠം ഒന്ന് , ഭാഷ്യം രണ്ട്.   വൈകുന്നേരം തിരക്കെല്ലാം കഴിഞ്ഞ്‍ ഒഴിവായപ്പോൾ അപ്രന്റീസ് ചെക്കൻ  ചെക്കുവിനെ  കട ഏല്പിച്ചു മുതലാളി സുബൈർക്ക പോയി. ഇത്തരം സന്ദർഭങ്ങളിലാണ് സ്വന്തം മനോധർമ്മത്തിനൊത്ത്  കച്ചവടം പഠിക്കാനും തന്റെ ബിസിനസ് മാനേജ്‌മന്റ് ആശയങ്ങൾ പ്രയോഗത്തിൽ വരുത്താനും  ചെക്കുവിന്  അവസരം  കിട്ടുന്നത്.   അവിടെയും ഇവിടെയുമെല്ലാം ചോരപ്പാടുകൾ തുടച്ചും കട്ടിങ് മേശ വൃത്തിയാക്കിയും ചെക്കൻ നിന്നു സമയം കളഞ്ഞു. ആറു മണി ആയാൽ കട അടച്ചു വീട്ടിൽ പോയാൽ മതി. അത് വരെ സമയം ഉണ്ട്. അതിനുശേശം വീട്ടിലെത്തിയാണ്  അവന്റെ MBA തിയറി പഠനം.   മാർക്കറ്റിൽ നിന്ന് സാധനങ്ങൾ വാങ്ങി പോകുന്ന ഒരാൾ കടയിലേക്കടുത്തു വന്നു ചോദിച്ചു : ഒരു കിലോയിൽ കൂടാത്ത ഒരു ലെഗോൺ കിട്ടാൻ വഴിയുണ്ടോ ?   ലഗോൺ …… .., ചെക്കൻ ആലോചിച്ചു നോക്കി. അകത്തു ഒന്ന് ഇരിപ്പുള്ളതായി അവൻ ഓർമിച്ചു. ഇല്ലെങ്കിലും ഇല്ല എന്ന് പറയരുത്.  അത് ഉപഭോക്താവിനെ നിരാശപ്പെടുത്തും. പകരം ഉപയോഗിക്കാവു ന്ന എന്തെങ്കിലും പിടിപ്പിക്കുക എന്നതാണ് ആ സമയ ത്ത് ...

  ദുർമേദസ്സ്   ബലരാമൻ ദുര്മേദസ്സിന്റെ പരസ്യപ്പലക ആയിരുന്നു . സുഹൃത്തുക്കളുടെ നിർബന്ധപ്രകാരം അയാൾ സ്ഥലത്തെ ഡോക്ടറെ പോയി കണ്ടു .   ഞാൻ പറയുന്ന ഡയറ്റ് അനുസരിക്കുകയും   മറ്റു ഇൻസ് ‌ ട്രക് ‌ ഷൻസ്   പാലിക്കുകയും ചെയ്യുകയാണെങ്കിൽ രണ്ടാഴ്ച കൊണ്ട് നിങ്ങളുടെ വെയിറ്റ് അഞ്ചു കിലോ കുറച്ചു തരാം .   ബലരാമന് സന്തോഷമായി . എന്താണ് ചെയ്യേണ്ടത് ഡോക്ടർ .   എന്തെല്ലാം കഴിക്കാമെന്നു ഡോക്ടർ നിർദേശിച്ചു . രണ്ടു ദിവസം കഴിക്കുക . മൂന്നാം   ദിവസം സ്കിപ്   ചെയ്യുക . വീണ്ടും രണ്ടു ദിവസം ഭക്ഷണം കഴിക്കുക മൂന്നാം ദിവസം സ്കിപ്   ചെയ്യുക .   രണ്ടാഴ്ച കഴിഞ്ഞു ബലരാമൻ ചെന്ന് സ്വയം പരിചയപ്പെടുത്തി . ഡോക്ടർ അന്ധാളിച്ചു പോയി . അയാളുടെ ഷർട്ടും ട്രൗസറും എല്ലാം ലൂസ് ആയി ശരീരത്തിൽ തൂങ്ങി കിടക്കുന്നു . കണ്ണട   പോലും ചെവികളിൽ ലൂസ് ആയി കിടക്കുന്നതുപോലെ . തൂക്കിയപ്പോൾ   ബലരാമന്റെ വെയിറ്റ് പതിനഞ്ചു കിലോ കുറഞ്ഞിരിക്കുന്നു . താൻ ഇത്ര നല്ല ഡോക്ടറാണല്ലോ എന്ന് ഡോക്ടർക്ക് അഭിമാനം തോന്നി ...

  ബുദ്ധി വേണ്ട ----------------------   രണ്ടു ചൂണ്ടയിടൽ വിദ്യാർഥികൾ പ്രാക്ടിസിനു തുരുത്തിനടുത്തുള്ള ചീർപ്പാലത്ത് ‌ പോയി . വാടകക്ക് വെച്ചിരുന്ന ഒരു ബോട്ട് ഇറക്കി കണ്ടൽ തിങ്ങി നിൽക്കുന്ന കരകളിലൂടെ ചൂണ്ടയിട്ടുകൊണ്ടു മുന്നോട്ടുപോയി . ഒരിടത്തു വെച്ച് ചൂണ്ടയുടെ പൊങ്ങ്   ഇളകി . ബോട്ട് നിർത്തി ചൂണ്ട പിടിച്ചവൻ ശ്രദ്ധയോടെ ആദ്യം കുറച്ചു അയച്ചു വിട്ടു . വലിവ് ശാന്തമായപ്പോൾ വലിച്ചു കയറ്റി . ഒരു വലിയ മീൻ ! കന്നി യാത്ര സഫലമായതിൽ രണ്ടു പേരും സന്തോഷിച്ചു .   ഒരുവൻ പറഞ്ഞു : ഈ ഭാഗം അടയാളം വെക്കണം . നമുക്ക് എപ്പോഴും ഇവിടെ തന്നെ വരാം . കേട്ട ഉടനെ മറ്റവൻ ബോട്ടിൽ നിന്ന് അല്പം കറുത്ത ഗ്രീസ് വിരല് കൊണ്ട് തോണ്ടിയെടുത്ത്   ബോട്ടിന്റെ ഒരു   ഭാഗത്ത്   ഒരു X വരച്ചു .   അത് കഴിഞ് അവൻ തിരിഞ്ഞു നോക്കിയപ്പോൾ ചൂണ്ടയിട്ടവൻ ചിരിച്ചു ശ്വാസം മുട്ടുന്നു :   എന്താ ഇത്ര ചിരിക്കാൻ ?   എടാ നീ എന്തിനാണ് ബോട്ടിന്റെ സൈഡിൽ അടയാളപ്പെടുത്തിയത് ? അടുത്ത തവണ വരുമ്പോൾ ഈ ബോട്ട് തന്നെ കിട്...

  ഓർമശക്തി ക്ലിനിക്ക് -----------------------------------   സരോവരം പാർക്കിലിരുന്നു ഒരു പഴയ ഫലിതം വായിക്കുകയായിരുന്നു ഞാൻ . എന്റെ കണ്ണുകൾ പുസ്തകത്താളിന്റെ അതിരു ഭേദിച്ച് മുന്നോട്ടുപോയി .   അവിടെ രണ്ടു വൃദ്ധദമ്പതികൾ ഇരുന്നു കുശലം പറയുന്നു . ശ്രദ്ധിക്കാതിരിക്കാൻ പറ്റിയില്ല   ഒരു സ്ത്രീയുടെ ജിജ്ഞാസ : നിങ്ങൾ ഓർമശക്തി ക്ലിനിക്കിൽ പോയെന്നു കേട്ടല്ലോ . എങ്ങനെ ഉണ്ടായിരുന്നു ?   സ്ത്രീയുടെ ഭർത്താവാണ് മറുപടി പറഞ്ഞത് .   വളരെ നന്നായിരുന്നു , ഒരു പാട് കാര്യങ്ങൾ   പഠിച്ചു . വിഷയങ്ങൾ   ഭൗതികവസ്തുക്കളുമായി ബന്ധപ്പെടുത്തി ഓർമയിൽ സ്ഥിരപ്പെടുത്താനുള്ള ട്രിക്കുകളെല്ലാം പഠിച്ചു .   അപ്പോൾ ഗുണമുണ്ടായി അല്ലെ ?   തീര്ച്ചയായും സൺ എന്നതിന് സ്പെല്ലിങ് എപ്പോഴും മാറിപോകുമായിരുന്നു . ഓ ആണോ യു ആണോ എന്ന് . ഇപ്പോൾ ഞാൻ ഓ മകനേ എന്നാണ് ഓർത്തു വെക്കുന്നത് . മകൻ എന്നതിനുള്ള സൺ - ൽ   ഓ ആണ് വരുക എന്നർത്ഥം . സൂര്യന് യു . മറന്നു പോകില്ല . നിമോണിക് രീതി എന്നാണ് അവർ പറയുന്നത് . ...