Babu Palathingal

     17  കൊല്ലാത്തെ നിസ്വാർത്ഥ സേവനത്തിനു ശേഷം ആ വരിക്ക പ്ലാവിൻമേൽ ഇന്ന് മഴു വീണു. ത്തഡ് എന്ന ശബ്ദത്തോടെ അവസാനം ബാക്കിനിന്ന തന്മരം നിലത്തു വീണു.   ബന്ധുമിത്രങ്ങളിൽ ഒരുപാടു പേരുടെ പ്രീതി സമ്പാദിച്ച മരമായിരുന്നു. എല്ലാ വർഷവും തേൻ മധുരമുള്ള ചക്ക തന്ന് അത് ഞങ്ങളെയൊക്കെ സന്തോഷിപ്പിച്ചു. വന്ന് ഇല വെട്ടി കൊണ്ടുപോകാൻ തയാറുള്ള ആടുകര്ഷകരെ വേണ്ടത്ര സഹായിച്ചു. ദാനപ്രാപ്തിയിലൂടെ ഞങ്ങളെ അഭിമാനം കൊള്ളിച്ചു.   വീട്ടിന്റെ തറയ്ക്കും മതിലിനുമിടയിലുള്ള അഞ്ചടിയിൽ വേര് പരത്തിയും ടെറസിലെ ടാങ്കിന്റെ ഷീറ്റിൽ ഉരസിയും ഞങ്ങളെ ഭീഷണി പെടുത്തി എന്നതാണ് അത് ചെയ്ത തെറ്റ്. ഭാവിയിൽ ഒരു ദിവസം ചട്ടുകം കൊണ്ട് ദോശ മറിച്ചിടുന്നപോലെ വേരുകൾ കൊണ്ട് എന്റെ വീട് മറിച്ചിടുന്നത് പ്രവചിച്ച്  ഉപദേശികൾ എന്നെ ഭീഷണിപ്പെടുത്തി. എന്റെ ഉറക്കം കെടുത്തി. മുറിക്കാനുപദേശിച്ചവരുടെ കണക്കിൽ ആ ചക്കകളും ഇലകളും പ്ലാവ് തന്ന തണലും ഒന്നും ഇടം കണ്ടില്ല.    ഞാൻ റഷീദിനെ വിളിച്ച് അത് വിൽക്കാൻ നോക്കി.ആകെയുള്ള വണ്ണം കാര്യമായ ഉപയോഗത്തിന് മതിയാകുന്നില്ലെന്നതിനാൽ അവൻ ഒഴിഞ്ഞു. വേണ്ട, വെറകിനേ പറ്റൂ. ഇന്ന് വിറക് ആർക്കു വേ...

 അണ്ടി മാങ്ങാ ദ്വയാകുലത അങ്ങനെയല്ല ,  അങ്ങനെയല്ല   എന്ന്   കേട്ടാണ്   ഞാൻ   കണ്ടുകൊണ്ടിരുന്ന   വിഡിയോ   പോസ്   ചെയ്തു   ശ്രദ്ധിച്ചത് .  സുബ്രുവിന്റെ   മുറിയിൽ   നിന്നാണ് .  കുറച്ചു   മുൻപ്   അവൻ   കമ്പ്യൂട്ടറിൽ   എന്തോ   ചെയ്തു   കൊണ്ടിരിക്കുകയായിരുന്നു .  അവൻ   ആരോടാണ്   സംസാരിക്കുന്നത് ?  കോൺഫറൻസ്   കാൾ   ആവൻ   വഴിയില്ല ,  മലയാളത്തിൽ .  ഞാൻ   കാതോർത്തു .   അവന്റെ   ശബ്ദം   വീണ്ടും .   മാങ്ങയാണ്   ആദ്യം   ഉണ്ടായത്  ,  സംശയിക്കേണ്ട .  പണ്ട്   മാങ്ങക്കു   അണ്ടിയേ     ഉണ്ടായിരുന്നില്ല .   ചെമ്പരത്തിയെ   പോലെ   കൊമ്പ്   മുറിച്ചു   നട്ടാണ്   മാത്തോട്ടങ്ങൾ   ഉണ്ടാക്കിയിരുന്നത് .  ജോർജ്   വാഷിങ്ടൺ   ചെയ്ത   അക്രമത്തിനു   ശേഷം   മാവിന്റെ   കൊമ്പു   മുറിക്കൽ   നിരോധിച്ചു .  അതിനു   ശേഷ...

 വെളുക്കാൻ തേച്ചത് പാണ്ടായി   ആനന്ദകരമായ ഒരു ഉദ്യോഗജീവിതം പെട്ടെന്നവസാനിച്ചു.   1979 ഒക്ടോബർ 4 നു എനിക്കും  സഹഉദ്യോഗസ്ഥർക്കും മാനേജർക്കും വലിയ തൃപ്തി ഇല്ലാതെ  ഞാൻ തലശ്ശേരി ശാഖയോട് വിട പറഞ്ഞു.   മാനേജർ നരേന്ദ്രനാഥ് സാർ എന്നെ കാബിനിൽ വിളിച്ചു പറഞ്ഞു: നിങ്ങളെ ഇവിടെ നിർത്താൻ ഞാൻ ശ്രമിച്ചു നോക്കി ബാബു. HR മാനേജരോട് സംസാരിക്കുകയും ചെയ്തു. പുതുതായി സ്ഥിരപ്പെടുന്നവരുടെ കാര്യത്തിലുള്ള ബാങ്കിന്റെ നയം നിങ്ങളെ ഇവിടെ തുടരാൻ അനുവദിക്കുന്നില്ല. പ്രൊബേഷനറിക്കാർക്കു 2 മാസം വീതം 3 ബ്രാഞ്ച് എന്നാണ്. നിങ്ങൾ അതിൽ കൂടുതൽ ഇവിടെ നിന്നു.   എന്തായാലും നിങ്ങൾക്ക് നല്ലതു വരട്ടെ. നമുക്ക് ഇനിയും കാണാം. അദ്ദേഹം മേശ വലിപ്പിൽ നിന്ന് കാളി എന്ന പുസ്തകത്തിന്റെ ഒരു  ഓഥേഴ്‌സ് കോപ്പി എടുത്ത് മുൻപേജിൽ ഒപ്പിട്ടു എനിക്ക് തന്നു.   ഞാൻ എനിക്കദ്ദേഹം തന്ന തണലിനു മനസ്സിലും ആശംശകൾക്കു പ്രകാശമായും  നന്ദി പറഞ്ഞു.   ഒക്ടോബര് 5 ന് ഞാനും സുഹൃത്തുക്കളും കുമരനല്ലൂരിലെത്തി. ഗ്രാമവിശുദ്ധി നഷ്ടപ്പെട്ടുകൊണ്ടിരിക്കുന്ന എന്റെ സ്ഥലവുമായി തട്ടിച്ചു നോക്കുമ്പോൾ ഉന്മേഷദായകമായ ഒരു അന്തരീക്ഷം. പുതു...

എന്നും   കുഞ്ഞായിരിക്കുവാനും   മഴവില്ലു   കണ്ടു   തുള്ളിച്ചാടുന്ന   ഹൃദയം   മരണം   വരെ   കൈവശം   വെക്കാനും   ആശിക്കുന്ന   നമുക്ക്   വേണ്ടി   വില്യം   വേർഡ് ‌ സ്വർതിന്റെ   ഒരു   കവിത .   ഒരു   മഴവില്ലിനെ    മാനത്തു   കാണുമ്പോൾ പെരുതായ്   കുതിക്കുന്നു   മുന്നോട്ടു   ചിത്തം ശൈശവനാളിലും   ഇന്നും   അതങ്ങിനെ ( ശിശുദിനമായൊരീ   നാളിൽ   ഞാനോർക്കട്ടെ ). അതുപോലിരിക്കട്ടെയെന്നുമല്ലേൽ   മൃതമായ്   ഭവിക്കട്ടെയെന്റെ   സ്വത്വം . ശിശുവാണ് ‌  മർത്യനു   താതനെന്നല്ലയോ ( വിശ്വമഹാകവി   ചൊല്ലിവെച്ചുള്ളതും )  ഇനിയുള്ള   നാളുകളൊരോന്നുമങ്ങിനെ ഇണ   ചേർന്ന്   ബന്ധിതമായിടട്ടെ .

രണ്ടു പേരും നല്ല സാധാരണ വ്യക്തികൾ. സ്വഭാവത്തിലും വ്യക്തിത്വത്തിലും അസാധാരണമായി ഒന്നും ഇല്ലാത്തവർ. മാനേജരും മകനും.   നിക്ഷേപങ്ങൾ അപേക്ഷിക്കാനും കടം തിരിച്ചടവ് അഭ്യർത്ഥിക്കാനും പോകുമ്പോൾ മാനേജർക്ക് എനെറെ കൂട്ട്  വളരെ ഇഷ്ടം. ഞാൻ കൂടെയുണ്ടായാൽ ഉദ്ദേശിച്ച വിഷയത്തിൽ ഫലപ്രാപ്തി ഉണ്ടാകുമെന്ന ഒരു വിശ്വാസം. സഹകരിക്കാത്ത  ആരോഗ്യവും  നാട്ടിൽ നിന്നകലെ വിരസമായ അന്തരീക്ഷവും ബുദ്ധിമുട്ടിക്കുമ്പോഴും ആരോടും പരാതിയില്ലാതെ ജീവിതം നയിക്കുന്ന ഒരു വ്യക്തി.   വൈകുന്നേരങ്ങളിൽ നടക്കാനും ഡേവിഡ് ബാൽഡാച്ചിയുടെയും ജെഫ്രി ആർച്ചറുടെയും വായിച്ച നോവലുകളെപ്പറ്റി ചർച്ച ചെയ്യാനും കൃഷ്ണകുമാറിന് എന്നെ കൂട്ടണം. എത്ര സായാഹ്നങ്ങളിൽ ഞങ്ങൾ നടന്നു നടന്നു നീലിയാടും  അനക്കരയും കുമ്പിടിയും എല്ലാം ചുറ്റിയടിച്ചിരിക്കുന്നു. വിദ്യാഭ്യാസം കൊണ്ടും ബുദ്ധി കൊണ്ടും ഒരു നല്ല ഭാവി അർഹിക്കുന്ന ഒരു ചുറുചുറുക്കുള്ള പയ്യൻ.   കൃഷ്ണകുമാർ വളരെ അഭിമാനിയാണെന്നത് ഒരു പോരായ്മയായി എനിക്ക് തോന്നിയിട്ടില്ല. നടന്നു നടന്നു ഒരു ദിവസം കാങ്കാപ്പുഴയുടെ തീരത്തെത്തിയപ്പോൾ ഞാൻ പറഞ്ഞു: മടക്കം നമുക്ക് ബസ്സിലാക്കം. ആലത്തൂർക്കുള്ള ബസ്സു...

  ഇന്നത്തെപ്പോലെയല്ല  ,  മജെസ്റ്റിക്കിന്റെ   തെക്കു   കിഴക്കേ   മൂലയിൽ   ചിക്പെട്ട്    റോഡ്   തുടങ്ങുന്നിടത്ത്    അന്ന്   വിശാലമായി   ഒഴിഞ്ഞു   കിടക്കുന്ന   സ്ഥലമുണ്ടായിരുന്നു .  ഞാനും   ഭീമപ്പയും   ചില   ദിവസങ്ങളിൽ   കെ . ജി   റോഡിലെ   ഓഫീസിൽ   നിന്ന്   നടന്ന്    മജെസ്ടിക്കിലേക്കു   ബസ്   കയറാൻ   പോകുക   ഈ   വഴിയാണ് .  ആ   മൂലയിൽ   പഴയ   പുസ്തകങ്ങൾ ,  മരുന്നുകൾ ,  മന്ത്രവാദചരടുകൾ   എന്നുവേണ്ട   എല്ലാ   വിധ   സകലകുലാവി   വിൽക്കുന്നവരെയും   കാണാം .  ആത്മീയതയും   ആയുരാരോഗ്യവും   അവിടെ   ചരക്കാണ് .   മെലിഞ്ഞു   താടിയും   മുടിയുമൊക്കെ   യവനിക   പോലെ   ഞാന്ന്   കിടക്കുന്ന ,  ചെറുപ്പക്കാരനെന്നവകാശപ്പെടുന്ന   ഒരു   വൃദ്ധൻ   സ്വാമി .  കൂടെ   ഒരു   ചെറുപ്പക്കാരി   പെൺകുട്ടിയും .  പ...

  തലശ്ശേരി ശാഖയിൽ ജോലിയും ജീവിതവും സുഖമായിരുന്നു. ഓഫീസിൽ എല്ലാവരുടെയും സൗഹൃദം. ബാലസാഹിത്യകാരനായ മാനേജരുടെ ഒരുപാടു വായിക്കുന്ന ഒരു സഹൃദയനോടുള്ള പ്രത്യേക വാത്സല്യം. ആവശ്യത്തിന് ഓഫീസർമാരും ക്ലർക്കുമാരും ഉള്ളതുകൊണ്ട് അഞ്ചുമണിക്കപ്പുറത്തേക്ക്  തുളുമ്പിയിറങ്ങാത്ത ജോലി. ഓഫീസിൽ നിന്നിറങ്ങിയിൽ സ്റ്റേറ്റ് ബാങ്ക് ശാഖയിലെ സുഹൃത്തുക്കളുമായി അവരുടെ ഗ്രൗണ്ടിൽ ഷട്ടിൽ കളി. അതല്ലെങ്കിൽ ചിറക്കര താമസ സ്ഥലത്തെത്തി അകായിലെ മറ്റു അവിവാഹിതരുമായി  ചേർന്ന്  ഉത്സാഹദായകമായ ചീട്ടുകളി. ഒരുമിച്ചുള്ള ഭക്ഷണാർത്ഥയാത്ര. ശനിയുച്ചകളിൽ കോഴിക്കോട്ടേക്ക് KSRTC യിൽ ജനലടുപ്പിച്ചിരുന്ന് അർദ്ധസുഷുപ്തിയിലൊരു യാത്ര.   നല്ല നാളുകളുടനേ തീരും തീർച്ച. 79 ഫെബ്രുവരിയിൽ ജോയിൻ ചെയ്ത എനിക്ക് 2 മാസം കൊണ്ട് സ്ഥലം മാറ്റം. ലക്ഷ്യം  പയങ്ങാടി എന്ന പഴയങ്ങാടി. കോഴിക്കോട്ടു നിന്ന് രാവിലെ 6 മണിക്കുള്ള CWMS ബസ് പിടിച്ചു 9.30 ന് മുട്ടം സ്റ്റോപ്പിലിറങ്ങി എരിപുരം  വരെ നടന്നാൽ ഇടതു ഭാഗത്തു കാണാം, എന്തെ എന്ന് ചോദിച്ചു കൊണ്ട് ശാഖ.   പ്രദേശം കണ്ട് ഇവിടെ ഒരു ബാങ്ക് ശാഖക്ക് മാത്രം സാമ്പത്തികപ്രക്രിയകൾ നടക്കുന്നുണ്ടോ...

    മേക്കര കോർട്ട് റോഡ് ചെന്ന് മുട്ടുന്നേടത് നിന്ന് വലത്തോട്ടു തിരിഞ്ഞു വലതു നോക്കിയാൽ കാസിനോ ഹോട്ടൽ. അതും കടന്നു മുന്നോട്ടു പോയി ഇടതു തിരിഞ്ഞു  ദാവൂദ് ഭായ് കപ്പാസി റോഡ് വഴി പോയാൽ ബോംബെ ഹോട്ടൽ. ബോംബെയിലെത്തുന്നതിനു മുൻപ് റോഡിനിരുവശത്തും ഓരോ മലഞ്ചരക്ക് വ്യാപാരപാണ്ടികശാലകൾ. ആ വഴി പോയാൽ  എല്ലാ സുഗന്ധ ദ്രവ്യങ്ങളുടെയും സുഗന്ധം ഫ്രീ ആയി ആസ്വദിക്കാം, നഗരസഭാകാര്യാലയം, ഗാന്ധി മണ്ഡപം , സാക്ഷാൽ കോഴിക്കോട് കടപ്പുറം എല്ലാം ചുറ്റിയടിക്കാം. കപ്പാസി റോഡിൽ നിരത്തിനോടൊട്ടി നിൽക്കുന്ന ചുവരുള്ള ഒരു പാണ്ടികശാലയുടെ പുറത്താണ് അച്ഛൻ  ഹോം ഡെലിവറി ബിസിനെസ്സിൽ നിന്ന് പുരോഗമിച്ചു സ്വയം ഒരു സ്ഥാവര സ്ഥാപനം എസ്റ്റാബ്ലിഷ്‌ ചെയ്യാൻ വേണ്ടി ഏതാണ്ട് ആയിരത്തി ഇരുനൂറ്റി തൊണ്ണൂറ്റാറു  ചതുരശ്ര അംഗുലം ഭൂമി കയ്യേറിയത്. ഒരു മാംഗോ  മോങ്ങറുടെ  തൊഴിൽ  ഉപേക്ഷിച്ചു  ദാഹിക്കുന്നവരെ വെള്ളം കുടിപ്പിക്കുന്ന ജോലി സ്വീകരിച്ചിരുന്നു. പാണ്ടികശാലയിൽ അടക്കയും തോട്ടണ്ടിയും ഇഞ്ചിയും വെയിലത്ത് പരത്തുന്ന തൊഴിലാളികൾക്കും രണ്ടാം ഗേറ്റ് കടന്നു കടപ്പുറം വരെ നടന്നു കളയാമെന്നു സാഹസം  കാണിക്കുന്ന യാത...

  അലവിയാക്ക ഏഴു മണിക്ക് കട തുറന്നു ഇരിക്കുന്നതാണ്. പാല് ചൂടാക്കി. സമോവറിൽ വെള്ളം ഒഴിച്ച് കരി ഇട്ടു കത്തിച്ചു. ഇപ്പോൾ നാലാമത്തെ തവണയാണ് കരി ഇട്ടു കൊടുക്കുന്നത്.   ഇറങ്ങുമ്പോൾ തന്നെ ആയിശ ചോദിച്ചതാണ്, ങ്ങള് എന്തിര്ത്തിനാ അത് തൊറന്ന് ഈചന്യാട്ടി ഇരിക്കാൻ പോണത്? എന്തെങ്കിലും കച്ചോടം ണ്ടോ?   കച്ചോടൊക്കെ ആയിക്കോളുണ്ടി , ജ്ജി  നോക്കിക്കോ. തേങ്ങക്കു വെല കൂടുമ്പം  തുവ്വശ്ശേരി തോട്ടത്തിലേക്കും അവിടന്നിങ്ങോട്ടും തോണി  നിറച്ചും കടത്തുണ്ടാകും. അതിന്റെ  ഗുണം മ്പക്കൂണ്ടാകും,   ഇത് വരെ ഉണ്ടായിട്ടില്ല. ഒരു തോണി പോലും  ചായക്കടയുടെ മുന്നിലൂടെ പോയിട്ടും ഇല്ല്യ, അലവിയാക്കന്റെ ചായപൂഞ്ചിയിൽ ചൂടുവെള്ളം ഒഴിക്കേണ്ടി വന്നിട്ടും ഇല്ല, ഇന്ന് ഇത് വരെ, ദാ  ഇപ്പോൾ ദോഹര്  വാങ്ക് സമയം  ഏതാണ്ട് ആയി,   പണ്ടൊക്കെ എത്ര തിരക്കുണ്ടാകാറുണ്ടായിരുന്നു? ബെഞ്ചിൽ സ്ഥലം ഇല്ലാതെ ആൾക്കാർ തിണ്ണയിലിരുന്നു വരെ ചായ കുടിക്കാറുണ്ട്. ഇന്നിപ്പോ, ബെഞ്ച് കാലി.   വെറുപ്പ് തീർക്കാൻ വേണ്ടി അലവ്യാക്ക ഒരു ചായ ഇട്ടു തന്നത്താൻ  ആറ്റിയാറ്റിക്കുടിച്ചു. ചില്ലലമാരയിൽ നിന്ന് പാത്രം തു...