Babu Palathingal

  ട്രേഡ് സീക്രട്ട്   പ്രാതൽ അവസാനിപ്പിച്ച് കൈ കഴുകി തിരിയുമ്പോൾ സുഷമ മെല്ലെ അടുത്ത് വന്നു. അടുക്കളയിൽ എന്തോ ചെയ്തു കൊണ്ടിരുന്ന  'അമ്മ കേൾക്കാത്ത വിധത്തിൽ ശബ്ദം താഴ്ത്തി അവളുടെ ചോദ്യം: ഇന്ന് ഏട്ടന് ലീവ് അല്ലെ?   ഞാൻ ഒന്നും പറഞ്ഞില്ല. വരാനുള്ളത് എന്തായിരിക്കും എന്ന് ആലോചിക്കുക ആയിരുന്നു.   'അമ്മ നാളെ പോകുന്നു എന്ന് പറഞ്ഞു, ശരി രാവിലെ ബസ് കയറ്റി വിട്ടേക്കാം , ഞാൻ പറഞ്ഞു.   അതല്ല....   ഞാൻ വീണ്ടും ആകാംക്ഷയിൽ. ഒന്നും പറഞ്ഞില്ല. കാര്യം മുഴുവനും കേൾക്കാതെ എന്തെങ്കിലും എടുത്തു ചാടി പറഞ്ഞാൽ വെളുക്കാൻ തേച്ചത് പാണ്ടാകും.   മാൾ വന്നതിനു ശേഷം 'അമ്മ ആദ്യായിട്ട് വര്വല്ലേ. ഒന്ന് കൂട്ടി കൊണ്ട് പോയി കാണിച്ചു കൊടുക്കാമായിരുന്നു.   രോഗം മനസ്സിലായി. മാളിലേക്ക് ഒരു സന്ദർശനം ആണ് ലക്‌ഷ്യം. ഒരാഴ്ച മുൻപത്തെ സന്ദർശനത്തിന്റെ ബാധ്യതകൾ അടച്ചു തീർന്നിട്ടില്ല. ഇന്നും പത്രത്തിൽ പരസ്യം ഫുൾ പേജിൽ തന്നെ ഉണ്ട്. ചില ഇനങ്ങൾക്ക് 75 % വരെ ഡിസ്‌കൗണ്ട് ഉണ്ട്. ക്യാഷ് ബാക്ക് മുതൽ ബെൻസ് കാർ വരെ സമ്മാനം ഉണ്ട്. ആകർഷണം ഗുരുത്വത്തെ വെല്ലും. പെട്ടെന്ന് വീണു പോകും...

  ഓർമയിലേക്ക് ഒരു മഷിനോട്ടം.   ചെറിയ സ്കൂൾ വിട്ട് ഇടവഴിയിലൂടെ നടന്ന് കടയിൽ എത്തിയപ്പോൾ അച്ഛൻ ആർക്കോ സർബത് കലക്കി കൊടുക്കുകയാണ്. ഞാൻ അകത്തു കയറി. സ്കൂൾ സഞ്ചി ഇരിക്കാനുള്ള നിരപ്പലകയിൽ വെച്ചു.   സര്ബത്തിന്റെ പൈസ കൊടുത്ത് ബാക്കി വാങ്ങി കീശയിലിട്ട് തല ഉയർത്തിയപ്പോഴാണ് കുഞ്ഞുട്ടിച്ചൻ എന്നെ കണ്ടത്. അയാളുടെ തലയിൽ എന്തോ ആശയം രൂപം കൊണ്ടു.   ഇവന് എത്ര വയസ്സായി? കുഞ്ഞുട്ടിച്ചന്റെ ചോദ്യം അച്ഛനോടാണ്.   ഓണത്തിന് ഒൻപത് തികയും എന്താ കാര്യം.   ഒരാവശ്യമുണ്ട്. കുഞ്ഞുട്ടിച്ചൻ കാര്യം പറഞ്ഞു.   ഗോപാലൻ മുതലാളിയുടെ മൂത്ത മകളുടെ കഴുത്തിലെ ചങ്ങല കാണാനില്ല. അറിയാവുന്ന വഴിക്കൊക്കെ അന്വേഷിച്ചു. അറിയാവുന്ന വഴിക്കൊക്കെ തിരച്ചിലും അന്വേഷണവും നടത്തി. ഫലമുണ്ടായില്ല.   ആരോ മഷിനോട്ടം ശുപാർശ ചെയ്തിരിക്കുന്നു. ഇനി ഇപ്പോൾ അതുകൂടി പരീക്ഷിക്കാനാണ്  തീരുമാനം.   നിഷ്കളങ്കരെ വേണം. അവർക്കേ മഷിയിൽ വ്യക്തമായി കാണാൻ പറ്റുകയുള്ളു. കുട്ടികളാവുമ്പോൾ കളങ്കം കുറയാനും വ്യക്തത കൂടാനും സാധ്യത ഉണ്ട്.   ഇവിടെ മഷിനോട്ടക്കാർ ആരാണുള്ളത്? അച്ഛൻ ചോദിച്ചു.   ഇവിടെ ഇല്ല. ചിന്താവളപ്പ് ഭാഗത്ത് ...

  തത്തമ്മേ പൂച്ച പൂച്ച   കാളിങ് ബെൽ ശബ്ദം കേട്ട് ആദ്യം ഞാൻ അനങ്ങിയില്ല . പിന്നെയാണോർത്തത് , ഗിരിജ വീട്ടിൽ ഇല്ല എന്നത് . ഞാൻ ലാപ്ടോപ്പ് സ്ക്രീൻ പോസ് ചെയ്തു മുറിയുടെ വാതിൽക്കൽ ചെന്ന് പാളി നോക്കി . ആരാണെന്നറിഞ്ഞിട്ടു വേണം വർക്കിംഗ് ഡ്രസ്സ് ആയ ബനിയന് മീതെ ഒരു ഷർട്ട് പിടിപ്പിക്കണോ എന്ന് നിശ്ചയിക്കാൻ .   വിതറിയിട്ടപോലെ മുറ്റത്തു നിൽക്കുന്നു ആറേഴു കുട്ടികൾ .   കോറിയോഗ്രാഫർ എത്താൻ വൈകിയ ഡാൻസ് ടീം പോലെ ഒരു അലക്ഷ്യ വിന്യാസത്തിൽ ഉദാസീനമായാണ് അവരുടെ നിൽപ്പ്. വീട്ടിനു പിന്നിലെ സ്കൂളിലെ കുട്ടികളായിരിക്കും, പെട്ടെന്ന് പറഞ്ഞു വിട്ടേക്കാം   എന്ന് തീരുമാനിച്ച് ഞാൻ വർക്കിംഗ് ഡ്രെസ്സിൽ തന്നെ മുന്നോട്ടു വന്നു : എന്താ മക്കളെ ?   ചേട്ടാ ഞങ്ങൾ പയ്യാനക്കൽ സ്കൂളിൽ നിന്ന് NSS ക്യാമ്പിന് വന്നതാണ് പറയഞ്ചേരി സ്കൂളിൽ . ഒരു സർവേയുടെ ഭാഗമായിട്ട് വന്നതാണ് .   ഇത് പരിചിതമാണ് . ചോദ്യങ്ങളുടെ ഒരു ലിസ്റ്റുമായി സർവ്വേയ്ക്ക് വരുന്നവർ ഒട്ടു മിക്ക ദിവസങ്ങളിലും വീട്ടിൽ എത്താറുണ്ട് .   എന്താണ് നിങ്ങൾക്കറിയേണ്ടത് ?   ഒരു പെൺ...

  പ്രവൃത്തിപരിചയം .   ചുറ്റും നിബിഡാന്ധകാരം ഉണ്ടായിരുന്നില്ല . മേലെ ആകാശം മറച്ച് സൂര്യപ്രകാശം കുറേശ്ശേ മാത്രം താഴേക്ക് വിട്ടിരുന്ന വൃക്ഷശിഖരങ്ങളുണ്ടായിരുന്നില്ല . അശരീരി പോലെ കാതിൽ വന്നലയ്ക്കുന്ന ചീവീടിന്റെ പാട്ടോ കൂമന്റെ കൂവലോ ഉണ്ടായിരുന്നില്ല .   എന്നിട്ടും ...   എയർപോർട്ടിലേക്ക് ഇനി എത്ര ദൂരമുണ്ട് എന്ന് ചോദിക്കാമെന്നുള്ള നിർദോഷമായ ഉദ്ദേശം വെച്ചാണ് അയാൾ മുന്നോട്ടു പതുക്കെ നീങ്ങി ഇരുന്ന് ഡ്രൈവറുടെ ചുമലിൽ ഒന്ന് തൊട്ടത് . അത്രയേ ഉണ്ടായുള്ളൂ .   എന്നിട്ടും ...   ഡ്രൈവർ ഞെട്ടിത്തരിച്ചു . സ്റ്റീയറിങ് അയാളുടെ കയ്യുകളെ ധിക്കരിച്ച്    തിരിഞ്ഞു . എതിർവശത്തു നിന്നു വന്ന ബസ്സിനെ ഉരുമ്മി ഉരുമ്മാതെ വെട്ടിച്ച വണ്ടി ഫുട്പാത്തിൽ കയറി അവിടെ നിന്ന പോസ്റ്റിനെ തൊട്ടു തൊടാതെ പൂജ്യത്തിലേക്കു വന്നു നിന്നു .   യാത്രക്കാരന്റെ നെഞ്ചിടിപ്പ് സാവധാനമാകാൻ കുറച്ചു സമയമെടുത്തു . പുറത്തേക്കു നോക്കി അപകടത്തിന്റെ പൂർണരൂപം കാണാൻ   ധൈര്യമില്ലാതെ ഡ്രൈവർ തല സ്റ്റിയറിങ്ങിൽ വെച്ച കയ്യിൽ അമർത്തി ഇരുന്നു . ...

  ഭാഗ്യവാന്റെ ഭാവി   ബമ്പർ അടിച്ച വിവരം പത്രത്തിൽ വന്നതിന് ശേഷം അയാളുടെ ജീവിതം അശ്രാന്തമായി . രാവിലെ തന്നെ സൂര്യനോടൊപ്പം അഭ്യുദയ കാംക്ഷികൾ ഉദിക്കുന്നു . എല്ലാവർക്കും ഒരേ ലക്ഷ്യമേ ഉള്ളു . ഇദ്ദേഹത്തിന്റെ സമ്മാനത്തുക ഒരു വിധത്തിലും തേഞ്ഞു പോകരുത് , മറ്റാരെങ്കിലും അടിച്ചെടുക്കരുത് . അതിനു വേണ്ടി ഓരോ നിർദ്ദേശങ്ങൾ , ശുപാർശകൾ , ആസൂത്രണങ്ങൾ , ശാരീരികവും ബൗദ്ധികവുമായ സഹായവാഗ്ദാനങ്ങൾ .   ഇടക്ക് മാധ്യമ ഇന്റർവ്യൂ : എന്തെങ്കിലും പുതിയ ബിസിനസ് , വ്യവസായം തുടങ്ങാൻ പരിപാടി ഉണ്ടോ ? ഇല്ല . ഇനി വിശ്രമിക്കേണ്ടതാണെന്നു തോന്നുന്നില്ലേ ? ഉണ്ട് . അപ്പോൾ എന്താണ് ഭാവിയെ പറ്റി ഉള്ള തീരുമാനം ? ഇനിയുള്ള ജീവിതത്തിൽ ജോലി ഒന്നും ചെയ്യാതെ കഴിയണമെന്നുണ്ട് . അതിനു വേണ്ടി എന്ത് ചെയ്യാനാണ് ഉദ്ദേശം ? ഡിപ്പാർട്മെന്റിൽ കൊടുക്കാനുദ്ദേശിച്ച്   എഴുതിയ രാജിക്കത്ത് കീറിക്കളഞ്ഞു .

  കോരു എന്ന പേര്.     ഇന്നത്തെ പേരുകൾ ജ ഷ ബ എന്നൊക്കെ ഉള്ള അക്ഷരങ്ങൾ തിരിച്ചും മറിച്ചും ഇട്ടാണ് ഉണ്ടാക്കുന്നത്, എളുപ്പം. പണ്ട് നമ്മുടെ നാട്ടിൽ പൗത്രന് മുത്തശ്ശന്റെ പേരിടുന്ന പതിവുണ്ടായിരുന്നു. വേറെ ഒരു നല്ല പേര്  കണ്ടുപിടിക്കാൻ മെനക്കെടാതെ ഏതോ ഒരു ക്രൂരൻ ആ പതിവ് ഉപയോഗിച്ച്  എനിക്കിട്ട പേരാണ്,  അച്ചച്ചന്റെ സ്ഥാപിതമായ നാമം, കോരു,   മൂപ്പർക്ക് അത് ഇഷ്ടപ്പെട്ട പേര് ആയിരുന്നോ എന്നറിയില്ല. ചോദിച്ചറിയാൻ വഴിയില്ലായിരുന്നു. അദ്ദേഹത്തിനെ കാണാൻ എനിക്കെന്നല്ല, എന്റെ അച്ഛന് പോലും കഴിഞ്ഞിട്ടില്ല. അച്ഛമ്മയുടെ വയറ്റിൽ അച്ഛന്റെ  ലോകം വചനം മാത്രമായിരുന്ന , രൂപം ആയിരുന്നിട്ടില്ലാത്ത കാലത്തു തന്നെ മൂപ്പരുടെ ചീട്ടു കീറി.   സുമുഖനായിരുന്നു എന്ന് കേട്ടിട്ടുണ്ട്. പണ്ട് ഫ്രാൻ‌സിൽ നിന്നോ മറ്റോ ഇറക്കുമതി ചെയ്ത ഒരു ഛായ പൂച്ചക്കണ്ണ് ആ സൗകുമാര്യത്തിനു മാറ്റു കൂട്ടിയിരുന്നത്രെ. പല പിന്ഗാമികൾക്കും അത് കൊടുത്തിട്ടുമുണ്ട്.   എന്നെ നോക്കണ്ട. എനിക്കതു കിട്ടിയിട്ടില്ല.   നാരകശ്ശേരിക്കാരുടെ കണക്കെഴുത്തുകാരനായിരുന്നു. അച്ചമ്മ ഒൻപത് പെറ്റതിൽ എട്ടെണ്ണം ...

  മിനുസം   ഇത് എന്റേതല്ല. ആ രീതിയിൽ ഉള്ള ആസ്വാദനങ്ങളും വിമർശനങ്ങളും രണ്ടുമല്ലാത്ത അഭിപ്രായങ്ങളും ഒഴിവാക്കുക.   ഇന്നലെ ജോലിത്തിരക്ക് കാരണം വട്ടം കറങ്ങി ഊരിത്തെറിച്ച് ഓര്മകളിലെവിടെയോ റീഡർസ് ഡയ്ജസ്റ്റിന്റെ ഒരു കോപ്പിയിൽ കമിഴ്ന്നടിച്ചു വീണപ്പോൾ കിട്ടിയതാണ് ഒരു സൈനിക മേധാവിയെ.   കാർഗിലിൽ താൽക്കാലിക നിയമനം കഴിഞ്ഞു മറാത്ത റെജിമെന്റിൽ തിരിച്ചെത്തിയ വീരശൂരപരാക്രമിയായ മേജർ കൈലാസനാഥൻ  സഹജീവികൾക്ക് കൊടുത്ത വിരുന്നിൽ തന്റെ സാഹസങ്ങൾ വിശദീകരിച്ച ശേഷം എല്ലാവരോടും ചേർന്ന് നിന്ന് ക്ഷുത്തുത്തേജക പാനീയം (അപ്പറ്റയിസർ ) സേവിക്കുന്ന സന്ദർഭം.   സഹജീവികളെ പരിഹസിക്കലും ഇടിച്ചു കാണിക്കലും   അദ്ദേഹത്തിന്റെ സ്ഥിരം സ്വഭാവം. അത് ചടങ്ങിന്റെ ആകർഷണം കൂട്ടുന്നു എന്നാണ് ന്യായം.   മേജർ രണ്ടാമത് നിറച്ച ചഷകത്തോട് നീതി പാലിച്ചു കൊണ്ടിരിക്കുമ്പോൾ ആണ് ശിവരാമനെ കണ്ടത്.   ഉടലിൽ നിന്ന് വഴുതിപ്പോകുന്ന യൗവനവും തലയിൽ നിന്ന് ഇറങ്ങിപ്പോകുന്ന മുടിയും വിഷാദത്തിലാഴ്ത്തിയ ശിവരാമൻ. വശങ്ങളിൽ മാത്രം ശേഷിച്ച മുടി ജെല്ലിയിട്ട് ഒട്ടിച്ചും മൈതാനക്കഷണ്ടി ക്രീം പുരട്ടി മിനു...

  ഭയം   ഭയമില്ലാത്ത കൂട്ടത്തിൽ ആയതുകൊണ്ട് ഏതെങ്കിലുമൊക്കെ   ഏറ്റെടുത്ത്   അപകടത്തിൽ ചെന്ന് ചാടുമോ എന്നാണ് എപ്പോഴും എന്റെ ഭയം .   ശ്രീകൃഷ്ണപുരത്തേക്കു ട്രൻസ്ഫെർ വന്നപ്പോൾ എന്റെ അഭ്യുദയം ആഗ്രഹിക്കുന്നവർ ചോദിക്കുകയുണ്ടായി , നിനക്ക് പേടി ഇല്ലേ ?   എന്തിന് , പഞ്ചാബിലേക്കൊന്നും അല്ലല്ലോ , ഞാൻ ചോദിച്ചു .   സൂക്ഷിച്ചോ , കോങ്ങാട് അടുത്താണ് . അവർ എന്റെ ഭയം മാന്തി പുറത്തെടുക്കാൻ ശ്രമിച്ചു .   ജോയിൻ ചെയ്ത പിറ്റേ ദിവസം മാനേജർ എന്നെ കാബിനിൽ വിളിച്ചു .   മാറിപ്പോകുന്ന ഓഫീസർ കുറച്ചു ദിവസം എടുക്കും . അത് വരെ ബാബു വായ്പകളും കിട്ടാക്കടങ്ങളും അവയെ പറ്റിയുള്ള ഇൻസ് ‌ പെക്ഷൻ പരാതികളും അറ്റൻഡ് ചെയ്തോളു .   അങ്ങനെയാണ് ഞാൻ പിറ്റേ ദിവസം ഒരു ജീപ്പ് ഏർപ്പാടാക്കി കോട്ടപ്പുറത്തേക്കു വിട്ടത് . MLA  ശേഖരേട്ടനെ കാണണം . അവരുടെ വീഴ്ച പറ്റിയ വായ്പയെ പറ്റി സംസാരിക്കണം . പറ്റുമെങ്കിൽ കുടിശ്ശിക അടപ്പിക്കണം . അതുപോലെ ചില സ്രാവുകൾ വേറെയും .   ഇപ്പോൾ ജോയിൻ ചെയ്തതല്ലേ ഉ...